🔸موضوع محمد علي بن رمضان واخذ أكبر من حجمو.
-للناس اللي ذاكرتهم قصيرة، في 2020 محمد علي بن رمضان حب يفسخ عقدو من طرف واحد و يهرب و قعد أكثر من شهرين مڨطع، بعد سامحو حمدي المدب و عاودلو الكونترا بإمتيازات جديدة.
في 2023 بن رمضان رفض تجديد عقدو مع الترجي، لذلك علاقة الملاعبي بالفريق اللي رباه ماكانتش مثالية.
-مالناحية الفنية حسب رأيي و بكل موضوعية، الترجي مايحتاجش ملاعبي ببروفيل بن رمضان حاليا خاصة بوجود ساس و البلايلي لي يحبو شكون يوصللهم كورة موش ملاعبي يشد معاهم الكورة، الناس لي ذاكرتهم قصيرة يتفكرو البونطوات متاعو لكن مايتفكروش قداش عانينا من شدان الكورة و القرارات الغالطة لي ياخوها. يمكن الترجي يحتاج ملاعبي كيف سعد بڨير بالكاليتي متع الباس لي عندو أكثر من بن رمضان.
-أخيرا نحب نذكر الناس اللي في السنين لي لعبهم معانا بن رمضان اساسي ماوصلناش فينال شامبيونزليغ، لكن أول عام بعد ما خرج رجعنا و لعبنا فينال. 🤔
مانراش اللي بن رمضان يتسما خان الترجي لو صحح مع الاهلي، يخدم على روحو ربي يعينو بالنسبة ليا الفريق الحالي للترجي كامل خاصة في وسط الميدان، لو فما تدعيمات نتصور في الدفاع ولا قلب هجوم بلاصة رودريغو اللي لتوا ماناش عارفين بش يكمل ولا لا.
تعليقات
إرسال تعليق