الترجي الرياضي التونسي ضد النجم المتلوي

علاش كان الترجي؟

بلحق علاش كان الترجي؟

هاو باش نفسرلكم علاش ..

الحكاية تتلخص في نقاط و سبحان الله جاو كان 8 نقاط 

اولا : الsuper ligue

 في بلاد كل الفرق متاعها تعيش الازمات المادية و التسول و الطحين للجامعة باش يمنعوا و يخلصوا شوية خطايا … الترجي عمناول لعب السوبر ليغ و اربعة مقابلات .. اربعة فقط في ظرف زوز اسابيع … دخل بيهم تقريبا 9 مليارات ، واعين اللي في جمعتين دخلنا 9 مليارات و بدون ما نصرفوا و لا مليم لان كل شيء خالص من الشركة الراعية ؟ الفقراء اللي نلعبو معاهم في تونس ممنوعين من الانتدابات على 200 مليون و حتى أقل..

فهمتو علاش كان ضد الترجي؟

ثانيا : الادارة 

استقرار اداري و مالي و ربي يديم علينا النعمة و لا نتسولوا لا نبوسوا في يدين وديع باش يخلينا نلعبوا الكاف و بعد نعملوا الفضح و نروحوا ضد جمعيات قلابس 

فهمتو علاش كان ضد الترجي ؟ 

ثالثا: دوري ابطال افريقيا

الضغط اللي عاشوه عمناول و يعيشوه كل موسم جماهير الفرق الاخرى و اكثرهم جمهور الافريقي في مباريات الترجي في دوري الابطال ، مع الasec قالك باش يروحو... تعدينا … و لاخر قاعد في دارو حزين يسمع في ناس تزمر و فرحانة في شارع …

مع sundowns قالك باش ياكلوا طبيخة.. تعدينا .. و كيف كيف قاعد في دارو حزين و ناس شايخة .. و زدنا ترشحنا بكاس العالم مع الريال و السيتي و الانتر .. افريقيا فيها اكثر من7000 الاف نادي كرة قدم فما اربعة برك ماشين كاس عالم الترجي واحد منهم ..

 الفريق الي معقدك و مكرهك في حياتك جمهوروا ماشي لكاس العالم و انت تلم في فلوس بش تخلص عطار كاميروني و فطايري نيجيري..

جمهور عامل حملة في باج الفيفا و باج Infantino بش ينحي منع الانتداب بكومنتارات يبقى السيد الي يلحلحوا بيه مهبط فيديو في صفحة الfifa الرسمية يهنىء الترجي؟

فهمتو علاش كان ضد الترجي؟

رابعا: دخلة غزة

فما حاجة في النفسية متاع جمهور الافريقي اختلت و ترجت كيف شافوا دخلة الفينال و ردود الفعل عليها يعني تخيل انت زنطور مغروم بالصحافي صالح الجعفري تلقاه يتكلم في اذاعة تونسية يقول "راح نشجع الترجي من عندنا غيرو " تخيل انو شخص تشوف فيه عندك سبعة شهور يحكي بالباهي على حاجة معقدتك ملي صغير… رئيس كولومبيا يبرطاجي في الدخلة و فرحان بالتكريم الي صارلو من جمهور الترجي 

العالم العربي لكل و شعوب و دول تحكي على جمهورك و تشكر فيه انت كزنطور متابع هذا لكل اش تقول؟

"هاو جاي الدربي " و بش نشدوهم في الدربي و اكا الاكاذيب متاع العادة …

خامسا: جمهور الترجي 

يعني انت عايش بكذبة احسن جمهور و شعب الافريقي و اكا البص اذاكا لكل و الاذاعات و تلافز يسربيو فيك في شوية قرط تاكلو و تعمل جام و تمشي تشد جباد تتفرج في اسيادك .. تلقى انو الكذبة هاذي زادا طاحت بشهادة العالم اجمع … افريقيا احتليناها … فريق عندو جمهور في دزاير و جمهور في جنوب افريقيا و جمهور في الزواوي يتفرج في الvolley لكلهم فرد وقت … و انت كيفاش تصبر في روحك ؟ " هاو جاي دربي سااااحيي عنا دخلة سااااحبي عنا فلامات سااااحبي" و تبدا تحكي و يعرضك فيديو فروخ صغار من Côte d’Ivoire يغنيو راهم بش يموتو و عارف الي يقصدو فيك  

فهمت علاش كان ضد الترجي؟

سادسا : كاس العالم للاندية 

تخيل روحك زنطور لطف يا ربي قاعد في قهوة نهار سبت تتفرج في ريال و دورتموند تدور تلقى واحد مكشخ على اعصابو تقولو شبيك يقلك ريال كاسحة بش تقلقنا في كاس العالم الي في امريكا و انت تصبر في روحك و تقول 

" هاو جاي دربي سااااحبي عنا دخلة سااااحبي عنا فلامات سااااحبي " 

سابعا : العقدة

بان للعالم اجمع انو الترجي عقدة و مرض و فما ناس لازمها تداوي منو… يعني انسان يضرب في بنك الترجي بflamme و المرضى الي في تلافز يقلك ماو في مباراة الذهاب و تعامل امني 

حاشمين بش تقولو رانا نكرهو ترجي؟ رانا نحبو ترجي تتنحى مالدنيا؟ ياخي مسوؤل متاعكم قال ان شاء الله يطيح بيهم الستاد و بصاصة متاع الاعلام يقلك لا الي ضرب بالflamme تصرف فردي ؟ 

فهمت علاش كان ضد. الترجي؟

ثامنا : مبوتو 83’

تخيل روحك زنطور كل عام خاسر مع الترجي في جميع الرياضات هوند فوت بيس زربوط .. ولا ساحلي حياتو الكل خاسر مع ترجي في جميع الرياضات في جميع المسابقات و جميع الفروع..

 حاسيلو لا انتوما بش تبراو لا نحن بش نروفوة عليكم عيشتكم خايبة و جمعياتكم خايبة و جمهوركم اخيب

حمدا لله على نعمة الاسلام و نعمة الترجي 

في الاخير الوقت الي خذيتو بش قريت لكلام هذا لكل كان اكثر مالوقت الي خذاه يان ساس بش يمركي الهدف الأول في الدربي

و شكرا 

عاش الترجي الرياضي التونسي

رسميا افضل تطبيقات لمشاهدة جميع المباريات بجودة عالية دون تقطيع و تشتغل على جميع الهواتف 👇